नेकपा एसको दशौं महाधिवेशन आगामी माघमा गर्ने निर्णय (भिडिओ)

काठमाडौं । नेकपा एकीकृत समाजवादीको महाधिवेशन आगामी माघ महिनामा हुने भएको छ । आइतबार बसेको स्थायी कमिटी बैठकले माघमा महाधिवेशन गर्ने निर्णय गरेको प्रवक्ता जगन्नाथ खतिवडाले जानकारी दिए ।

महाधिवेशनको बारेमा थप निर्णय भदौ पहिलो साता बस्ने केन्द्रीय कमिटी बैठकले लिने खतिवडाले बताए । उनले अब नेकपा एसको सबै शक्ति महाधिवेशनमा लगाउने बताए ।

बैठकमा अध्यक्ष माधव नेपालले समापन मन्तव्य दिँदै एमालेबाट विद्रोह गरेको औचित्य पुष्टि भएको बताएका थिए । विचार र व्यवहारमा नेकपा एसभन्दा उत्कृष्ट पार्टी अरु नरहेको दाबी गर्दै नेपालले संख्यामा बढ्न समय लाग्ने बताए ।

एमालेमा रहँदा नवौं महाधिवेशनमा सहभागी भएको नेकपा एसले अब दशौं महाधिवेशन आयोजना गर्नेछ ।