वर्षात्‌ले हवाई उडान प्रभावित- केही फर्किए केही रद्द

काठमाडौं । वर्षाका कारण आन्तरिक र अन्तर्राष्ट्रिय हवाई उडान प्रभावित भएको छ । भिजिबिलिटी कम भएपछि उडानमा समस्या भएको हो ।

त्रिभुवन अन्तर्राष्ट्रिय विमानस्थलका महाप्रबन्धक प्रतापबाबु तिवारीले वर्षाको कारणले भिजिबिलिटी कम भएकाले हवाई उडान प्रभावित भएको बताए ।

उनले भने, ‘नयाँदिल्लीबाट आएको एयर इण्डियाको जहाज बनारस डाइभर्ट भएको छ । चीनको तियान्फूबाट आएका एयर चाइना र सिचुआन एयरलाइन्सका जहाज तियान्फूमै फर्किएका छन् । भने आन्तरिकतर्फ पोखरामा उडान हुन सकेको छैन । भरतपुर विमानस्थलमा एउटा जहाजमात्रै ल्यान्ड भएको छ । भिजिबिलिटी कम भएका कारण अन्तराष्ट्रिय र अन्तरिक उडानमा समस्या आएको हो ।’

भिजिबिलिटी कम भएपछि केही उडान रद्द भएका भएको छ ।

विमानस्थलका अनुसार बुद्ध एयरका काठमाडौं-पोखरा रुटका तीनवटा र बुद्ध एयरकै काठमाडौं-तुम्लिङटार उडान रद्द भएका छन् ।