विद्या भण्डारीलाई विष्णु पौडेलले भेटेर एमालेको अध्यक्ष बन्न आग्रह गरेका हुन् ? ओलीले दिए यस्तो जवाफ (भिडिओ)

काठमाडौं । नेकपा एमालेका अध्यक्ष केपी शर्मा ओलीले पार्टीमा समस्या ल्याउनका लागि पार्टी उपाध्यक्ष विष्णु पौडेलले पूर्वराष्ट्रपति विद्या भण्डारीलाई भेटेको कुरा चर्चामा ल्याएको टिप्पणी गरेका छन् ।

सुन तस्करी प्रकरण र सदन अवरोधको विषयलाई लिएर पार्टी कार्यालय च्यासलमा आयोजित पत्रकार सम्मेलनमा बोल्दै उनले यस्तो बताए ।

उनले भने, ‘हाम्रो पार्टीभित्र कुनै समस्या आउँछ कि, ल्याउन सकिन्छ कि भनेर फेरि कोसिस भएको छ । पूर्वराष्ट्रपति विद्या भण्डारीजीलाई भेट्नु ठूलो कुरा होइन । उहाँ हाम्रो पार्टीको उपाध्यक्ष र आदरणीय व्यक्तित्व नै हो नि ! विष्णुजी मात्र होइन, मैले पनि कुरा गरेको छु ।’

पत्रकार सम्मेलनमा उपाध्यक्ष पौडेल पछिल्लो समय अध्यक्ष ओलीदेखि असन्तुष्ट भएर पूर्वराष्ट्रपति भण्डारीलाई पार्टी अध्यक्ष बनाउन सक्रिय भएको भन्ने प्रसंग उठेपछि ओलीले यस्तो प्रष्टीकरण दिएका हुन्।