धनुषाको शहीदनगरका इन्जिनियर चेक र नगद घुस रकमसहित रंगेहात पक्राउ

काठमाडौं । धनुषाको शहीदनगर नगरपालिकाका इन्जिनियर रमेश कुमार चौधरी एक लाख रुपैयाँ नगद र डेढ लाख रुपैयाँको चेक घुससहित रंगेहात पक्राउ परेका छन् । अख्तियार दुरुपयोग अनुसन्धान आयोगको टोलीले चौधरीलाई नियन्त्रणमा लिएको हो ।

अख्तियारको टोलीले रमेशसँगै उनका साथी गुरुदेव यादवलाई पनि पक्राउ गरेको छ । उनीहरुले सेवा ग्राहीसँग वाल निर्माण पश्चातको भुक्तानीका लागि घुस लिएको आरोप लागेको छ ।