शौच गर्न खोलामा जाँदा बेपत्ता वृद्व मृत भेटिए

रूपन्देही । दाङको घोराहीमा खोलाले बगाएर बेपत्ता रहेका एक वृद्वको शव फेला परेको छ । घोराही उपमहानगरपालिका वडा नं. ११ स्थित कटुवा खोलामा आएको बाढीले बगाउँदा स्थानीय ६४ वर्षीय तिलकराम बिक बेपत्ता भएका थिए ।

घर पछाडि खोलामा बिहान साढे ८ बजेतिर शौच गर्न गएका बिक घर नर्फिए पछि खोजी गर्न जाँदा फेला परेका थिएनन् ।

उनको छाता, लाठी, चप्पल भने खोला किनारमा फेला परेका थिए । त्यसैका आधारमा उनी बगेको आशंका गरी खोजी सुरु भएको थियो। जिल्ला प्रहरी प्रवक्ता प्रहरी नायब उपरीक्षक राजन गौतमले खोजी गर्ने क्रममा घोराही ९ तेघरास्थित हापुर खोला किनारमा दिउँसो शव फेला परेको जानकारी दिए ।