हिमालयन बैंक र तायो इको रिर्सोटबीच छुट सम्झौता

काठमाडौं । हिमालयन बैंक लिमिटेड र तायो इको रिर्सोटबीच छुट प्रदान गर्ने सम्झौता भएको छ । मंगलबार बैंक र रिर्सोटबीच छुट दिने सम्झौतामा हस्ताक्षर भएको हो ।

सम्झौता अनुसार बैंकका ग्राहकवर्गहरु र कार्डबाहकहरुलाई शान्तिडाँडा, नगरकोटमा अवस्थित सो रिसोर्टका विभिन्न सेवाहरुमा १५ प्रतिशत सम्मको छुट प्रदान गरिनेछ । बैंकका कार्डबाहकले छुट प्राप्त गर्न बैंकको कुनै पनि डेबिट, क्रेडिट वा प्रीपेड कार्डबाट भुक्तानी गर्न सक्नेछन् र छुटको लाभ उठाउन सक्ने जनाइएको छ ।

त्यसैगरी बैंकका कार्डबाहक तथा ग्राहकवर्गहरुले अन्य स्थानहरुमा प्राप्त गर्न सक्ने छुटहरुका बारेमा जानकारीका लागि बैंकको वेवसाइटमा हेर्न सकिन्छ ।