रनवेमा पुगेको एयर इण्डियाको जहाजमा समस्या, अरु जहाज आकाशमै होल्ड
![](https://www.nepalpress.com/wp-content/uploads/2020/11/nepalpress-logo-n.png)
२०८० साउन ३० गते १७:१३
![](https://www.nepalpress.com/wp-content/uploads/2023/08/air-india.jpg)
काठमाडौं । नयाँ दिल्ली उड्न लागेको एयर इन्डियाको जहाजमा समस्या आएको छ ।
त्रिभुवन अन्तर्राष्ट्रिय विमानस्थलको रनवे पुगेर उड्न लागेको विमानको ब्रेकमा समस्या देखिएको विमानस्थलका प्रवक्ता सुवास झाले जानकारी दिए ।
जहाजलाई रनवेबाट ट्याक्टरले तानेर पार्किङस्थल ल्याउने काम भइरहेको झाले बताए ।
एयर इन्डियाको जहाज रनवेमै समस्या आएपछि आन्तरिक र अन्तर्राष्ट्रिय उडान प्रभावित भएको छ । करिब ४५ मिनेटदेखि जहाजहरु आकाशमै होल्ड भएको झाले जानकारी दिए ।
समस्या आएकाे एयर इण्डिया २१६ जहाजमा १७९ जना यात्रु थिए ।
प्रतिक्रिया
सम्बन्धित खवर