महिला विश्वकपको फाइनल आज, स्पेन कि इङ्गल्यान्ड ?
नेपाल प्रेस
२०८० भदौ ३ गते ११:५७
मेलर्बन। न्युजिल्यान्ड र अस्ट्रेलियामा जारी महिला विश्वकप फुटबलको उपाधिका लागि आइतबार स्पेन र इङ्गल्यान्ड भिड्दैछन्।
दुवै टोली पहिलो पटक फाइनल पुगेका हुन्।
सेमिफाइनलमा स्पेनले स्वीडेनलाई २-१ र इङ्गल्यान्डले घरेलु टोली अस्ट्रेलियालाई ३-१ गोलले हराएका थिए।
महिला विश्वकपको ३२ वर्षे इतिहासमा हालसम्म अमेरिकाले ४ पटक, जर्मनीले २ पटक र तथा जापान र नर्वेले एक पटक यो प्रतियोगिता जितेका छन्। महिला विश्वकपले सन् २०११ पछि पहिलो पटक नयाँ विजेता पाउने छ।
खेल नेपाली समयअनुसरा ३ : ४५ मा सुरु हुनेछ ।
त्यति बेला अमेरिकालाई हराएर जापान नयाँ विजेता बनेको थियो। त्यसयता आयोजना भएका दुवै संस्करण अमेरिकाले जितेको थियो।
स्पेन र इङ्गल्यान्ड अन्तिम पटक एक वर्षअघि युरो कपको क्वाटर फाइनलमा भिडेका थिए। त्यति बेला इङ्गल्यान्डले स्पेनलाई अतिरिक्त समयमा पुगेर २-१ गोलले हराएको थियो।
नेपाल प्रेस
प्रकाशित: २०८० भदौ ३ गते ११:५७
प्रतिक्रिया
सम्बन्धित खवर
