गायक धर्मेन्द्र सेवानको‘एउटा यात्रा’ सार्वजनिक

काठमाडौं । गायक धर्मेन्द्र सेवानको आवाजमा‘एउटा यात्रा’बोलको म्यूजिक भिडियो सार्वजनिक भएको छ ।

सार्वजनिक गीतमा धर्मेन्द्रकै शब्द तथा संगीत रहेको छ। जीवनप्रति आशावादी हुँदै जीउनु नै जीवन हो भन्ने भाव व्यक्त गरेको गीतमा गायक राज। के गोस्वामीको कन्सेप्ट तथा अभिनय रहेको छ।

गोस्वामी आफ्नो नयाँ शैली मार्फत दर्शक तथा श्रोतामाझ आउने गरेका छन् । उनले यश गीतको भिडियोमा पनि आफ्नो सोही शैली देखाउने प्रयास गरेका छन् ।
दिनरात अथक परिश्रम गरेतापनि कहिलेकाहीँ परिणामहरू अपेक्षाअनुरूप नहुने जसले अगाडी बढ्न असहज गराउने तर त्यस्ता क्षणहरूमा पनि शान्तिपुर्ण ढंगले आफैंमा भरोसा जगाउनु महत्त्वपूर्ण हुन्छ भन्ने भाव भिडियोले दिन खोजेको छ।

गोस्वामीले पछिल्लो समय आर्थिक मन्दी, बेरोजगारीजस्ता समस्याका कारण युवाहरूमा मानसिक स्वास्थ्यमा विचलन आई अप्रिय कदमहरु उठाउने गरेको अवस्थालाई मध्यनजर गर्दै यो गीत तयार पारेका हुन्।‘नेपाल तारा’बाट चर्चामा आएका गायक सेवान नेपाली संगीत क्षेत्रका प्रतिभावान गायकका रुपमा परिचित हुन्।

सेवान र गोस्वामीले अस्ट्रेलियाका विभिन्न सहरहरुमा विभिन्न साङ्गीतिक कार्यक्रम सँगै केही गीतहरुमा सहकार्य गर्दै आइरहेका छन्। र यो गीत पनि त्यही सहकार्यको निरन्तरता हो।

यो गीतको भिडियोलाई सुरज श्रेष्ठले छायाकंन, सम्पादन तथा निर्देशन गरेका हुन् ।