दीपेन्द्र लामा निर्देशित ‘नांगो गाउँ’को ट्रेलर सार्वजनिक

काठमाडौं । दीपेन्द्र लामा निर्देशित चलचित्र ‘नांगो गाउँ’को ट्रेलर सार्वजनिक भएको छ । दयाहाङ राई, मिरुना मगर, कर्मा स्टारर फिल्मको ट्रेलरमा स्थानीय राजनीति र चुनावमा हुने चलखेललाई देखाइएको छ ।

झण्डै चार मिनेट लामो ट्रेलरमा गाउँमा हुने राजनीति र त्यसले परिवारमा ल्याउने उतारचढावलाई देखाउन खोजिएको छ ।

फिल्ममा दीपक शर्मा र एसडी योगीको संगीत, बनिस शाहको सम्पादन र रामजी लामिछानेको कोरियोग्राफी रहेको छ । हिमाल शर्माको प्रस्तुति रहेको फिल्ममा जय श्रेष्ठ मुख्य निर्माता हुन् भने रामहरि श्रेष्ठ कार्यकारी निर्माता रहेका छन् ।

लेखन तथा निर्देशन लामाको रहेको छ । फिल्ममा दयाहाङ, मिरुना, कर्मासँगै साम्राज्ञी राज्यलक्ष्मी शाह, शिशिर वाङ्देल, बुद्धि तामाङ, रवीन्द्र झालगायतको अभिनय रहेको छ ।

फिल्म यही भदौ २९ गते देशभर प्रदर्शन हुनेछ ।