जितु र माग्नेबुढासमेतको ८ करोड लगानीमा एन वानको २१ औं शाखा कपन सरस्वतीनगरमा खुल्यो

काठमाडौं । रामेछापका युवा उद्यमीहरुले सञ्चालन गरेको ए वान क्याफेको २१ औं शाखा काठमाडौंको चाबहिल र कपनबीचको सरस्वतीनगरमा खुलेको छ ।

सोही क्रममा ए वान क्याफे एण्ड पार्टी भेन्युको नयाँ शाखाको रूपमा कपनको सरस्वतीनगरमा बुधवार उद्घाटन भएको हो । रोयल ए वान इन्भेष्टमेन्ट कम्पनी प्रणालीको लगानीमा सो शाखा स्थापना भएको सञ्चालक रामेश श्रेष्ठले बताए ।

ऊर्जा, जलस्रोत तथा सिँचाई मन्त्री शक्तिबहादुर बस्नेतले उद्घाटन गरेको कार्यक्रममा पूर्व मन्त्री शेरबहादुर तामाङ, प्रतिनिधि सभा सदस्य पूर्णबहादुर तामाङ, रुक्मिनी राना, रणकुमारी बलम्पाकी मगर, पूर्व राज्यमन्त्री श्याम कुमार श्रेष्ठलगायत सहभागी थिए ।

कार्यक्रममा पूर्व सांसद् कृष्ण राई, वाग्मती प्रदेशका पूर्व मन्त्री कैलाशप्रसाद ढुङ्गेल, रामेश्वर फुयाँल, शान्तिप्रसाद पौडेल, एमाले केन्द्रीय सदस्य माधव ढुङ्गेल, वाग्मती प्रदेश सभा सदस्य तारानारायण श्रेष्ठ, योजना आयोगका पूर्व उपाध्यक्ष श्याम बस्नेत, खाँडादेवी गाउँपालिकाका अध्यक्ष ज्ञान कुमार श्रेष्ठ लगायतको सहभागिता रहेको थियो ।

कार्यक्रममा हास्य कलाकार जितु नेपाल, केदार घिमिरे लगायतका कलाकारले मनोरञ्जनात्मक प्रस्तुति दिएका थिए । ए वानको २१ औं शाखामा जितु र माग्ने बुढाको समेत लगानी रहेको बताइएको छ ।

 कम्पनीका अध्यक्ष नवीन श्रेष्ठको अध्यक्षतामा भएको कार्यक्रममा सो भेन्युको सञ्चालक डाइरेक्टरको जिम्मा भीमबहादुर श्रेष्ठले लिएको जानकारी दिइयो ।
करिब ८ करोड लगानीमा सो क्याफे र पार्टी भेन्यु स्थापना गरिएको हो । पार्टी भेन्युमा एकै पटक एक हजार जना अट्न सक्ने कम्पनीका सचिव सचिव राकेश श्रेष्ठले जानकारी दिए ।

रोयल ए वान इन्भेष्टमेन्ट कम्पनीमा १ सय ५० जना लगानीकर्ता छन् । सो कम्पनीले ५ सय बढीलाई प्रत्यक्ष रोजगारी दिएको छ । कम्पनीका सञ्चालकहरू राजनीति र सामाजिक क्षेत्रमा पनि अब्बल रूपमा स्थापित हुँदै छन् ।

रामेछापको खाँडादेवी गाउँपालिकाको खास गरी भिरपानी र पकरबासका युवाले ए वानको चेन सन्चालन गरेका छन् ।