गीतकार राधिका अधिकारीले ल्याइन् ‘माइती देशको घाउ’ (भिडियो)
नेपाल प्रेस
२०८० भदौ ७ गते १४:१८
काठमाडौं । गीतकार राधिका अधिकारीको नयाँ तीज गीत ‘माइती देशको घाउ’ सार्वजनिक भएको छ ।
बिहीबार सार्वजनिक भएको गीतमा गायिका काव्य आचार्य र मीना नेपालीले स्वर दिएका छन् । गीतमा दीपक शर्माको संगीत तथा राजेन्द्र बजागाईंको संगीत संयोजन छ ।
केही वर्षको अन्तरालपछि पुनः गीत लेखनमा फर्किएकी राधिकाले गीतमार्फत् परदेश पुगेका छोरीचेलीको दुःख पीडालाई व्यक्त गरेकी छन् ।
यसअघि राधिकाको २०७२ सालमा एकल गीति एल्बम पनि सार्वजनिक भएको थियो । २०७१ सालमा अञ्जु पन्तको स्वरमा आफ्नो पहिलो गीत रेकर्ड गराएर गीत लेखनको औपचारिक यात्रा सुरु गरेकी राधिका पत्रिकारितामा पनि लामो समयदेखि सक्रिय छिन् ।
नेपाल प्रेस
प्रकाशित: २०८० भदौ ७ गते १४:१८
प्रतिक्रिया
सम्बन्धित खवर
