नेपालसँग भिड्न लागेको पाकिस्तान एसिया कपअघि विश्व वरियताको शीर्ष स्थानमा
नेपाल प्रेस
२०८० भदौ १० गते १३:२१
काठमाडौं । एसिया कपको पूर्वसन्ध्यामा पाकिस्तान एक दिवसीय अन्तर्राष्ट्रियको विश्व वरियतामा शीर्ष स्थानमा उक्लिएको छ ।
अफगानिस्तानसँग भएको तीन खेलको श्रृंखला क्लीन स्वीप गरेपछि पाकिस्तान पहिलो नम्बरमा उक्लिएको हो ।
पाकिस्तानले एसिया कपको पहिलो खेलमा बुधबार नेपालसँग खेल्दैछ । एक दिवसीय अन्तर्राष्ट्रिय क्रिकेटमा नेपालले पाकिस्तानसँग खेल्न लागेको पहिलो पटक हो । एक दिवसीय अन्तर्राष्ट्रिय वरियताको दोस्रो स्थानमा अस्ट्रेलिया र भारत तेस्रो स्थानमा छ ।
वरियतामा नेपाल १५औं स्थानमा रहेको छ । नेपालले भारतसँग पनि खेल्दैछ ।
नेपाल प्रेस
प्रकाशित: २०८० भदौ १० गते १३:२१
प्रतिक्रिया
सम्बन्धित खवर
