भक्तपुर-कलंकी चल्ने एउटै बसमा ५ जना पाकेटमार !

काठमाडौं । सार्वजनिक यातायातमा पाकेटमारी गरेको आरोपमा प्रहरीले ५ जनालाई पक्राउ गरेको छ ।

काठमाडौं प्रहरीका अनुसार आइतबार बिहान पौने ६ बजे बल्खुस्थित सडक खन्डमा बा ३ ख २४४४ नम्बरको भक्तपुर–कलङ्की चल्ने बसमा सवार दुई जना यात्रुको पाकेटमारी भएको उजुरी परेपछि प्रहरीले पाकेटमारको खोजी गरेको थियो ।

प्रहरीका अनुसार १५ हजार र १० हजार गरी दुई यात्रुको २५ हजार रुपैयाँ नगद पाकेटमारी भएको थियो । तत्कालै अनुसन्धानमा खटिएको प्रहरीको टोलीले ५ जनालाई नियन्त्रणमा लिएको हो ।