नेपालको लगातार दोस्रो जित, बहराइन १० विकेटले पराजित

काठमाडौं। महिला टी-२० विश्वकपको एसियाली छनोटमा नेपालले लगातार दोस्रो जित हात पारेको छ। शुक्रबार भएको खेलमा नेपालले बहराइनलाई १० विकेटले पराजित गर्‍याे ।

पहिला ब्याटिङ गरेको बहराइन १५.४ ओभरमा ३१ रनमा अलआउट भएको थियो। नेपालकी इन्दु बर्माले ३ विकेट लिइन्।

नेपालले २.५ ओभरमा विकेट नगुमाई लक्ष्य भेट्टायो। नेपालले १३ अतिरिक्त रन पाएको थियो। कविता कुँवरले अविजित १७ र सिता रानामगरले २ रन बनाइन्।

यसअघि पहिलो खेलमा नेपालले मलेसियामाथि ५ रनको रोमान्चक जित हात पारेको थियो।