टेकुमा तीज विशेष कार्यक्रम, उद्यमी महिलाहरूलाई हौसला

काठमाडौं । काठमाडौंको टेकुस्थित मचली भैरव मन्दिर परिसरमा बंसीघाट एकल महिला समितिले तीज विशेष कार्यक्रमको आयोजना गरेको छ ।

पशुपति शमशेर जबरा प्रमुख अतिथि रहेको कार्यक्रममा राष्ट्रिय प्रजातन्त्र पार्टीका उपाध्यक्ष रवीन्द्र मिश्र, कलाकार मदनदास श्रेष्ठ लगायतको सहभागिता रहेको थियो ।

जबराले मचली भैरव आफैँमा पवित्र स्थान भएको उल्लेख गर्दै कार्यक्रममा सहभागी हुन पाउँदा आफूलाई खुसी लागेको बताए।

उनले शुभकामना दिँदै सबैलाई रमाइलो गरेर तीज मनाउन आग्रह गरे।

उनले आगामी दिनमा पनि महिलाहरूलाई आत्मनिर्भर भई आफ्नै नाम र पहिचान बनाउने खालका कामहरूमा अझै बढी जोड दिन  आग्रह गरे।

उक्त कार्यक्रममा आफ्नो देशमा व्यवसाय गर्दै आएका उद्यमी महिलाहरूलाई सम्मानसमेत गरिएको थियो।