जोकोभिचले जिते यूएस ओपन, सर्वाधिक एकल ग्रान्डस्लाम जित्ने विश्व कीर्तिमान बराबरी
नेपाल प्रेस
२०८० भदौ २५ गते ७:१७
न्युयोर्क। सर्बियन स्टार नोभाक जोकोभिचले वर्षको चौथो तथा अन्तिम ग्रान्डस्लाम यूएस ओपन जित्दै सर्वाधिक एकल ग्रान्डस्लाम जित्ने विश्व कीर्तिमान बराबरी गरेका छन् ।
जोकोभिचले मार्गरेट कोर्टको नाममा रहेको २४ एकल ग्रान्डस्लामको कीर्तिमान बराबरी गरेका हुन् । कोर्टले सन् १९७३ मा आफ्नो एकल ग्रान्डस्लाम उपाधि संख्या २४ पुर्याएकी थिइन् ।
त्यसयता उनलाई कसैले पनि भेट्न सकेको थिएन । जोकोभिचले ड्यानिल मेदभेदेभमाथि सोझो सेटमा जित हात पारे ।
यो खेलमा ६-३,७-६ र ६-३ को सेटमा उनी विजयी भएका हुन् ।
जोकोभिचले यो वर्षका चारमध्ये तीन ग्रान्डस्लाम जितेका छन् भने विम्बल्डनको फाइनलमा पुगेर पराजित भएका थिए ।
नेपाल प्रेस
प्रकाशित: २०८० भदौ २५ गते ७:१७
प्रतिक्रिया
सम्बन्धित खवर
