युरो कप छनोटमा स्पेन र बेल्जियमले गरे गोलको वर्षा

लन्डन। युरो कप फुटबलको छनोटअन्तर्गत मङ्गलवार राती भएको खेलमा स्पेन र बेल्जियमले फराकिलो गोल अन्तरको जित हात पारेका छन्।

स्पेनले साइप्रसलाई ६-० गोलले हरायो भने इस्टोनियाविरुद्ध उत्रिएको बेल्जियम ५-० गोलले विजयी भयो। स्पेनका फेरान टोरेसले २ तथा जोसेल, बाइना, गाभी र मिकेल मेरिनोले एक एक गोल गरे।

यस्तै बेल्जियमको जितमा रोमेलु लुकाकुले २ गोल गरे। जेन भर्टनघेन, लियान्द्रो त्रोसार्ड र चार्ल्स डे केटीलायरले एक एक गोल गरे।

मङ्गलवार राती भएका अन्य खेलमा इटालीले पनि युक्रेनलाई २-१ ले हराएको छ।