के गर्छन् सुवास नेम्वाङका दुई छोरी शुसाङ र सारा ?

काठमाडौं । हृदयघातका कारण असामयिक निधन भएका संविधान सभा अध्यक्ष तथा नेकपा एमालेका उपाध्यक्ष सुवास नेम्वाङको परिवारका सदस्यहरुमध्ये कान्छा छोरा सुहाङबाहेक अरु के गर्छन् ? धेरैले चासो राखेका छन् ।

स्वर्गीय नेम्वाङका दुई छोरा र दुवै छोरी छन् । जेठा छोरा मिङ्सो नेम्वाङ विवाहित हुन् भने अरुको विवाह भएको छैन । मिङ्सो परिवारसहित यूकेमा बसोबास गर्दै आएका छन् ।

कान्छा छोरा सुहाङ र छोरीहरू भने नेपालमै बस्छन् । सुहाङ केही दिनअघि घुमघामका लागि अष्ट्रेलिया पुगेका थिए । बुबाको निधनको खबर पाएपछि उनी भ्रमण रद्द गरेर तत्काल फर्किएका हुन् ।

मिसाङपछिकी छोरी शुसाङ नेम्वाङ डेण्टल सर्जन हुन् । उनी समाज डेण्डल हस्पिटलमा कार्यरत छिन् । सबैभन्दा कान्छी छोरी सारा (सम्या) स्नातक सकेर एमएसडब्ल्यू अध्ययन गरिरहेकी छन् । दुवै छोरी अविवाहित हुन् ।

कान्छा छोरा सुहाङबाहेक अरु राजनीतिक गतिविधिमा सक्रिय छैनन् । बाँकी तीन सन्तान र उनकी पत्नी सरोज भोटरमात्रै हुन् ।