एमाले बागमती अधिवेशन : सिन्धुपाल्चोकका १२ स्थानीय तहबाट प्रतिनिधि चयन

दिनेश थापा

२०८० असोज १ गते ८:४२

काठमाडौं । नेकपा एमालेको असोज ८ र ९ गते हुने बागमती प्रदेश कमिटीको प्रथम अधिवेशनका लागि सिन्धुपाल्चोकका १२ स्थानीय तहबाट प्रतिनिधि छनोट भएका छन् ।

१२ पालिका मध्ये दुई पालिकामा निर्वाचन र १० पालिकामा सर्वसम्मत अधिवेशनका प्रतिनिधिहरू छनोट भएको नेकपा एमाले सिन्धुपाल्चोकका अध्यक्ष कमल नेपालले जानकारी दिए ।

बाह्रबिसे नगरपालिका र सुनकोसी गाउँपालिकामा भने सर्वसम्मत हुन नसकेपछि निर्वाचनबाट अधिवेशन प्रतिनिधि छनोट भएका छन् ।

सुनकोसी गाउँपालिकामा भएको निर्वाचनमा भने सुनकोसी गाउँपालिकाका अध्यक्ष समेत रहेका टपिन्द्रप्रसाद तिमिल्सिनाले सर्वाधिक मत ल्याएर अधिवेशन प्रतिनिधिमा निर्वाचित भएका छन् ।

तिमिल्सिनाले खसेको मतको ९५ प्रतिशत मत ल्याएर अधिवेशन प्रतिनिधिमा निर्वाचित भएको एमाले जिल्ला अध्यक्ष कमल नेपालले जानकारी दिए ।

कुल ३ सय २७ मत खसेकोमा एक मत बदर भएको थियो अध्यक्ष तिमिल्सिनाले ३ सय १० मत ल्याएर प्रतिनिधिमा निर्वाचित भएका छन् । यो खसेको मतको सर्वाधिक र लोकप्रिय मत हो ।

त्यस्तै बाह्रबिसे नगरपालिकामा पनि नगरपालिकाका पूर्व मेयर समेत रहेका निमफुञ्जो शेर्पा सर्वाधिक मत ल्याएर अधिवेशन प्रतिनिधिमा निर्वाचित भएका छन् । शेर्पाले १ सय ९८ मत ल्याएका थिए । प्रदेश सभा निर्वाचनमा एमालेबाट उम्मेदवार भएका युद्ध विक्रम तामाङ ले भने जम्मा ७६ मत मात्रै ल्याएका छन् ।

बागमती प्रदेश अधिवेशनमा तिमिल्सिना र शेर्पा पूर्व पदाधिकारीका आकाङ्क्षी समेत रहेका छन् । स्थानीय निर्वाचनमा सिन्धुपाल्चोक प्रतिनिधि सभा –१ मा नेकपा एमालेका तर्फबाट तिमिल्सिना मात्रै अध्यक्षमा निर्वाचित भएका थिए । हाल बागमती प्रदेश कमिटीमा समेत रहेका तिमिल्सिना आफू यो पटक पदाधिकारीमा जाने योजनामा रहेको बताए । बागमती प्रदेश अधिवेशनमा सिन्धुपाल्चोकबाट सुवास कर्माचार्य सचिवको आकांक्षी रहेका छन् ।

यी हुन् सिन्धुपाल्चोकबाट छनोट भएका प्रतिनिधिहरू

भोटेकोशी गाउँपालिका

आङछिरीङ शेर्पा

छेवाङ लामा

हेम कार्की

महिला

सुन्तली माया तामाङ

बाह्रबिसे नगरपालिका

निमफुञ्जो शर्पा

दामोदर ढकाल

हरि दाहाल

महिला