बागमती प्रदेश अधिवेशनका लागि दोलखाबाट एमालेका प्रतिनिधि सर्वसम्मत, अध्यक्षमा रचनाको दाबी (सूचीसहित)

दिनेश थापा

२०८० असोज १ गते ११:०५

दोलखा । असोज ८ र ९ गते काठमाडौँमा हुने नेकपा एमाले बागमती प्रदेश अधिवेशनका लागि नेकपा एमाले दोलखा जिल्लाले सबै स्थानीय तहबाट सर्वसम्मत प्रतिनिधि छनोट गरेको छ ।

दोलखाका सबै नगरपालिका र गाउँपालिकाबाट सर्वसम्मत रूपमा प्रतिनिधि चयन भएको नेकपा एमाले जिल्ला सम्मेलन आयोजक समिति दोलखाका सह–संयोजक राजेन्द्र मानन्धरले जानकारी दिए ।

प्रत्येक संसदीय निर्वाचनमा चुनाव जित्दै आएको दोलखामा नेकपा एमालेले गएको प्रतिनिधि सभा र प्रदेश सभा निर्वाचनमा भने पराजय भोगेको थियो । एक प्रतिनिधि सभा र दुई प्रदेश सभा मध्ये एउटा प्रदेशमा मात्रै एमालेले जित हासिल गरेको थियो ।

पार्टीलाई मजबुत र एक ढिक्का बनाउनका लागि सर्वसम्मत रूपमा प्रतिनिधि छनोट गर्न सफल भएको सहसंयोजक मानन्धरले बताए ।

केन्द्रीय नेताहरू बिचको विवाद, गुटबन्दी माथिल्लो नेताहरूको इगो लगायतका कारणले चुनावमा पराजय भएपछि गुटबन्दी अन्त्य र पार्टीलाई एकताबद्ध बनाउनका लागि केन्द्रीय इन्चार्ज र प्रदेश इन्चार्जहरूको समन्वयमा दोलखाका सबै पालिकाबाट सर्वसम्मत रूपमा प्रतिनिधि छनोट भएको एमाले दोलखाले जानकारी दिएको छ ।

दोलखामा अहिले इञ्चार्जको रूपमा कमल चौलागई र प्रदेश ‘क’ मा सरस्वती बस्नेत र प्रदेश ‘ख’ मा रचना खडका इन्चार्ज रहेका छन् । प्रदेश अधिवेशनमा रचना खडका यो पटक अध्यक्षको आकंक्षी समेत रहेकी छन् । यद्यपि खड्का दोलखाबाट प्रतिनिधि छनोटमा सहभागी भएकी छैनन् । उनले अध्यक्षको उम्मेदवार बन्नुपर्ने अवस्थामा प्रदेश कमिटीबाट प्रतिनिधि मनोनीत हुनुपर्नेछ ।

प्रदेश कमिटीको पदाधिकारीमा ईश्वर चन्द्र पोखरेलले उम्मेदवारी दिने तयारी गरेका छन् ।

सरसल्लाहमा कुनै पदमा उम्मेदवारी दिने पूर्व जिल्ला कमिटी अध्यक्ष तथा हालका प्रदेश कमिटी जिल्ला इन्चार्ज पोखरेलले बताए ।

एमाले दोलखाले जिल्ला अधिवेशनका लागि नरबहादुर श्रेष्ठ संयोजक र राजेन्द्र मानन्धर सहसंयोजक रहेको १८३ कमिटी जिल्ला सम्मेलन आयोजक समिति समेत गठन गरिसकेको छ ।

यी हुन दोलखाबाट छनोट भएका प्रतिनिधिहरू

गौरी शंकर गाउँपालिका

उर्मिला थामी

जंग गुरुङ

तीर्थ बहादुर खड्का

महाराज गुरुङ

निमा लामा

शंख निमा शेर्पा

जिरी नगर पालिका

मित्र बहादुर जिरेल

लक्ष्मण गुभाजु

गोपाल जिरेल