पत्रकार महासंघको शुद्धीकरणविरुद्ध सर्वोच्चमा रिट, कारण देखाउ आदेश जारी

हेटौंडा । नेपाल पत्रकार महासंघको सदस्यता शुद्धिकणविरुद्ध सर्वोच्च अदालतमा रिट दर्ता भएको छ । नेपाल पत्रकार महासंघ मकवानपुरका सदस्य समेत रहेका विरष्ठ अधिवक्ता ध्रुवप्रसाद चौँलागाईले सर्वोच्च अदालतमा असोज १ गते रिट दर्ता गरेका हुन् ।

नेपाल पत्रकार महासंघ केन्द्रीय कार्यसमिति, बागमती प्रदेश समिति र मकवानपुर शाखालाई विपक्षी बनाएर उनले रिट दर्ता गरेका हुन् । चौँलागाईले हालेको रिटमा आज सर्वोच्चका न्यायाधीश कुमार चुँडालले कारण देखाउ आदेश जारी गर्दै रिट निवेदन उपर अन्तरिम आदेश छलफलको लागि बोलाइएको छ ।

रिट निवेदकको तर्फबाट बरिष्ट अधिवत्ताहरु केदार दाहाल, नारायाण् प्रसाद देवकोटा, अधिवक्ता आषिश उप्रेती, सम्बल चौलागाई, रौनक अर्यालले र स्वयम अधिवक्ता चौँलागाईले बहस गरेका थिए । छलफलको मिति भने भोली थाहा हुने बताइएको छ ।