७ गोल भएको खेलमा म्यान युनाइटेडमाथि वायर्न म्युनिखको रोमाञ्चक जित

बर्लिन । युरोपियन च्याम्पियन्स लिगमा पूर्व विजेता बायर्न म्युनिखले विजयी सुरुवात गरेको छ।

बायर्नले समूहको आफ्नो पहिलो खेलमा बुधवार राती अर्को पूर्व विजेता म्यानचेस्टर युनाइटेडमाथि ४-३ गोलको जित हात पार्‍यो। वायर्नका लागि हेरि केन, लेरोय साने, सर्जी नाब्री र म्याथिस तेलले गोल गरे।

खेलमा २-० गोलले पछाडि परेर पनि म्यान युनाइटेड पुनरागमन गर्ने प्रयासमा देखिएको थियो। इङ्लिस क्लबका लागि कासेमिरोले २ र राममस होजलुन्डले एक गोल गरे।

अन्य खेलमा रियल म्याड्रिडले युनियन बर्लिनलाई १-० , आर्सनलले पीएसभीलाई ४-० गोलले हरायो भने र इन्टर मिलानले रियल सोसिडाडसँग १-१ गोलको बराबरी खेल्यो ।