क्यानको उपाध्यक्षमा रोशन र कोषाध्यक्षमा पदम निर्विरोध, सचिवमा पारसविरुद्ध उठे प्रशान्त
नेपाल प्रेस
२०८० असोज ६ गते १०:५७
काठमाडौं । नेपाल क्रिकेट संघ (क्यान) को उपाध्यक्षमा हालका कोषाध्यक्ष रोशन सिंह निर्विरोध भएका छन् । निर्धारित समयमा उपाध्यक्षमा उनको मात्रै मनोनयनपत्र दर्ता भएको छ ।
सिंह अध्यक्ष चतुरबहादुर चन्दको प्यानलबाट उठेका थिए । चन्दकै प्यानलबाट कोषाध्यक्षमा उठेका पदमबहादुर खड्का पनि निर्विरोध भएका छन् ।
यता, सचिवमा भने पारस खड्कालाई प्रशान्त विक्रम मल्लले चुनौति दिएका छन् । चन्दकाे प्यानलबाट उठेका पारसविरुद्ध पूर्वकार्यवाहक सचिव मल्लको उम्मेदवारी परेको हो ।
अध्यक्षमा चतुरबहादुर चन्द निर्विरोध भएका छन् । सचिव र केन्द्रीय सदस्यका लागि आजै निर्वाचन हुने छ ।
नेपाल प्रेस
प्रकाशित: २०८० असोज ६ गते १०:५७
प्रतिक्रिया
सम्बन्धित खवर
