पूर्ण अपाङ्गता भएकी बालिका बलात्कारको आरोपमा ६० वर्षीय वृद्ध पक्राउ
नेपाल प्रेस
२०८० असोज ६ गते २०:२४
हेटौँडा । बारामा बोल्न नसक्ने बालिकालाई जबरजस्ती करणी गरेको आरोपमा प्रहरीले ६० वर्षीय वृद्धलाई पक्राउ गरेको छ ।
पक्राउ पर्नेमा निजगढ नगरपालिका १२ बस्ने राना साइँला भन्ने सोमबहादुर लुम्बा रहेका छन् ।
बोल्न र हिँड्न समेत नसक्ने ११ वर्षीया बलिकालाई जबरजस्ती गरेको आरोपमा लुम्बालाई पक्राउ गरिएको हो ।
शुक्रबार घरमा कोहि नभएको अवस्थामा बालिकामाथी बलात्कार गरी फरार रहेका वृद्धलाई प्रहरीले आज पक्राउ गरेको हो ।
बालिकाको आमा अपरान्ह ५ बजे घरमा आइपुग्दा छोरी छटपटाईरहेको देखेपछि घटनाको बारे थाहा भएपछि बालिकालाई उपचारको लागि प्रदेश अस्पताल कलैया पठाइएको थियो ।
बालिकाले गरेको शंकेतको आधारमा आरोपितलाई पक्राउ गरिएको इलाका प्रहरी कार्यालय निजगढका प्रहरी निरीक्षक घनश्याम श्रेष्ठले बताए ।
नेपाल प्रेस
प्रकाशित: २०८० असोज ६ गते २०:२४
प्रतिक्रिया
सम्बन्धित खवर
