जसपाको किरात राष्ट्रिय समिति पुनर्गठन
नेपाल प्रेस
२०८० असोज ८ गते ६:५०
धरान । जनता समाजवादी पार्टी (जसपा) नेपालको किरात राष्ट्रिय समिति पुनर्गठन भएको छ । पार्टीको धरान उपमहानगर समिति कार्यालयमा आइतबार सम्पन्न किरात राष्ट्रिय समिति रुपान्तरण कार्यक्रमबाट रमेश राईको अध्यक्षतामा ३४ सदस्यीय समिति पुनर्गठन भएको हो ।
समितिको उपाध्यक्षहरूमा गणेश राई, मानभगत चाम्लिङ, बिना राई, मुख्यसचिव प्रशन्न राई, सचिवहरू गोपाल राई, महेन्द्र राई, नेत्रबहादुर नेम्बाङ र कोषाध्यक्ष जंगमान राई रहेका छन् ।
जसपाको विधानले संखुवासभा, भोजपुर, उदयपुर, खोटाङ र ओखलढुङ्गा जिल्लाहरूको किरात राष्ट्रिय समिति हुने भनेको छ । जसपाको विधानबमोजिम राष्ट्रिय समिति ३९ सदस्यीय सम्मको बनाउन सकिने प्रावधान छ ।
नेपाल प्रेस
प्रकाशित: २०८० असोज ८ गते ६:५०
प्रतिक्रिया
सम्बन्धित खवर
