जाउलाखेलमा दशैं लक्षित जुत्ताचप्पल व्यापार मेला, के कस्ता छन् विशेषताहरु ?

काठमाडौं । ललितपुर महानगरपालिका जाउलाखेलको खेल मैदानमा वडादशैं जुत्ता चप्पल व्यापार मेला २०८० आयोजना भएको छ ।

यहि असोज १० गतेदेखि सुरु हुने मेला कार्तिक ३ गतेसम्म हुनेछ । भने, मेला बिहान ९.०० बजे देखि बेलुकी ७.०० बजेसम्म खुल्ला रहनेछ । जहाँ निशुल्क प्रवेश व्यवस्था मिलाइएको छ ।

आयोजका अनुसार मेलामा न्युनतम २० प्रतिशत देखि ५० प्रतिशतसम्म छुटको व्यवस्था मिलाइनेछ । मेला अवधिभरमा ३ लाख अवलोकन कर्तालाई अवलोकन गराउने आयोजकको दाबी छ ।

मेलामा विशेषताहरु

वडादशैं पर्व लक्षित मेला भएकोले नयाँ नयाँ डिजाईनका जुत्ता चप्पल आकर्षक मूल्यमा उपलब्ध हुनेछन् ।

नेपालमा स्थापित चर्चित जुत्ता चप्पल उत्पादक कम्पनी र व्राण्डहरु रोयल शु इण्डष्ट्रिजको उत्पादन –रोयल शुज, वेश फुटवेयरको उत्पादन – वि.एफ डियर हिल र वि.एफ स्पोर्ट, लालिगुरास फुटवेयरको – क्रस रोड शुज, शुभकामना फुटवेयरको – फस्टवाक शुज, नमस्ते फुटवेयरको – सिल, आर.डि.कलेक्सनको – हाई लाईफ, केटिएम शुजको –केटिएम, डि.जे. शुज कम्पनीको – डि.जे. शुज, फुड फेशनको – वेली शुज, सर अनिल ट्रेड लिंक्सको– उत्सव र कोसेली छाला जुत्ता उद्योगको – कोसेली सुज गरि ११ वटा कम्पनी र व्राण्डहरुको सहभागिता रहनेछ ।

३ हजार भन्दा बढी मोडल र डिजाइनका जुत्ताहरु उपलब्ध हुनेछन् ।नेपाली र गुणस्तरीय उत्पादन रहनेछन् । नयाँ उत्पादनहरु लञ्च गरिने छन् । मेला अवधि भर विषेश छुटको व्यवस्था गरिनेछ । न्युनतम २० प्रतिशत देखि कतिपय उत्पादनहरुमा ५० प्रतिशत सम्म छुटको व्यवस्था मिलाइनेछ ।