गायिका शर्मिला तामाङको ‘याद आउँछ आउँदैन’ सार्वजनिक

काठमाडौं । सर्जक तथा गायिका शर्मिला तामाङको अर्को नयाँ कोसेली ‘याद आउँछ आउँदैन’ सार्वजनिक भएको छ । गीत शर्मिला तामाङको आफ्नै अफिसियल युटयुब च्यानलबाट सार्वजनिक भएको छ ।

शर्मिला तामाङ र प्रकाश तामाङ टिटुङको स्वर रहेको गीतमा लय र शब्द पनि शर्मिला तामाङकै रहेको छ । मनिस लामाको संगीत संयोजन रहेको गीतलाई सरगम स्टुडियोमा रेकर्ड गरिएको हो ।

गीतमा राजेश श्रेष्ठको रेकर्डिङ र अर्पण थिङको मिक्सिङ रहेको छ । सह कोरियोग्राफी अमर रावलको रहेको गीतको भिडियोमा सरिता प्रजापतिको मेकअप छ ।

गीतलाई मनोज कार्कीले सम्पादन गरेका हुन भने भिडिओ प्रकाश खडकाले खिचेका हुन । दिलीप ओखेडाको निर्देशन, कोरियोग्राफी तथा कथावस्तु रहेको गीतमा दिलीप ओखेडा, सञ्चिता बोलाखे, साजन गुरुङ र दीपिका थापाको अभिनय रहेको छ ।