मेस्सीको चोट मियामीलाई महँगो, यूएस ओपनको फाइनलमा पराजित
नेपाल प्रेस
२०८० असोज ११ गते १०:१७
न्यूयोर्क। चोटका कारण लियोनल मेस्सीबिनै मैदान उत्रन बाध्य भएको इन्टर मियामी यूएस ओपन फुटबलको उपाधि भिडन्तमा पराजित भएको छ ।
बिहीबार बिहान भएको फाइनलमा मियामीले हस्टन डाइनामोसँग २(१ गोलले हार बेहोर्यो । डाइनामोले पहिलो हाफमै २(० गोलको अग्रता लिएको थियो । दोस्रो हाफको इन्जुरी समयमा मियामीले एक गोल फर्काए पनि पुनरागमन गर्न सकेन ।
मेस्सी यो खेलमा पनि मैदान उत्रन सकेका थिएनन् । उनलाई के को चोट लागेको भन्नेबारे केही खुलाइएको छैन ।
उनले मियामीका पछिल्ला ४ मध्ये ३ खेल खेल्न सकेका छैनन् भने एक खेलमा पहिलो हाफमै बाहिरिएका थिए ।
यसअघि मेस्सीकै प्रदर्शनमा मियामीले फाइनलसम्मको यात्रा तय गरेर लगातार दोस्रो उपाधि नजिक पुगेको थियो । यसअघि उसले लिग्स कप जितेको थियो ।
नेपाल प्रेस
प्रकाशित: २०८० असोज ११ गते १०:१७
प्रतिक्रिया
सम्बन्धित खवर
