सुरु भयो चलचित्र ‘मायावी’को छायाकंन, ३५ दिनमा सकिने

काठमाडौं । निर्देशक दिवाकर भट्टराईले निर्देशन गर्न लागेको चलचित्र ‘मायावी’को छायांकन सुरु गरिएको छ । केही दिन अघि मुस्ताङ पुगेको निमार्ण टीमले सम्पूर्ण कलाकारहरुको उपस्थिति भएसँगै छायाकंन सुरु गरेको हो । निर्माण टीमले चलचित्रको छायाकंन गर्ने तयारी गर्दै एक हप्ता अघि सम्म चलचित्रका मुख्य कलाकारहरु र निमार्ण टीमको लाइनअप सार्वजनिक गरिरहेकोे थियो ।

मुस्ताङको नीलगीरी हिमाल क्षेत्र र पोखराको रमणीय स्थलबाट चलचित्रको छांयाकन सुरु गरिएको हो । चलचित्रको छायाकंन ३५ दिनसम्म चल्ने निर्देशक भट्टराईले बताएका छन् ।

पोखराकै परिवेशमा रहेर कथा बुनिएको यस चलचित्रमा मुख्य नायिकामा दीपिका प्रसाई, करिश्मा श्रेष्ठ र मुख्य नायकहरुमा पल शाह, सुशील सिटौला र मोडल समिम खान रहेका छन् । त्यस्तै चलचित्रमा प्रशान्त ताम्राकार र राजाराम पौडेल लगायतका अन्य कलाकारहरुको पनि अभिनय रहने छ ।

अभिनेता पल झण्डै डेढ वर्षपछि यसै चलचित्रमार्फत रजतपटमा कमव्याक गर्दैछन् भने करिश्माले लामो समयपछि ‘मायावी’बाट फिल्ममा कमव्याक गर्न लागेकी हुन् । यसै चलचित्रमार्फत ‘म्यान हन्ट इन्टरनेश्नल नेपाल २०१६’का विजेता समिम खानले नवनायकका रुपमा डेब्यू गर्दैछन् ।

क्रिएटिभ सिने आर्टसको व्यानरमा निर्माण हुन लागेको लचित्रमा निर्देशक भट्टराई स्वयंको कथा रहनेछ । भट्टराईले करिब चार वर्षपछि पुन चलचित्र निर्देशन गर्दैछन् ।

राजु थापाको डिओपी रहने चलचित्रमा एसडी योगीको संगीत र राम अविरल विष्टको गीत छ । चलचित्रमा अभिनेता राज कटुवाल निर्माताका रुपमा रहेका छन् । राज ‘‘मायावी’मार्फत चलचित्र निर्माणमा पाइला चाल्न लागेका हुन् ।