पूर्वराजा ज्ञानेन्द्रलक्षित झलनाथको टिप्पणी- राजतन्त्र इतिहास भइसक्यो, मन्दिर धाएर फर्किंदैन

काठमाडौं । नेकपा एकीकृत समाजवादीका सम्मानित नेता झलनाथ खनालले अब कुनै हालमा राजतन्त्र फर्किने सम्भावना नभएको दाबी गरेका छन् । इटहरीमा आयोजित समाजवादी जागरण अभियानलाई सम्बोधन गर्दै पूर्वराजा ज्ञानेन्द्र शाहको पछिल्लो सक्रियताबाट आत्तिनुपर्ने कुनै कारण नभएको बताए ।

उनले भने, ‘हिजो हामी सामन्तीहरुका विरुद्ध लडिरहेका थियौं । अहिले त्यो नेपालमा छैन । सामन्तवाद इतिहास बनिसक्यो । राजतन्त्र अब इतिहासको वस्तु बनिसक्यो । अब राजतन्त्रको नाममा हिजोका ती महलमा बस्नेहरुले मन्दिर मन्दिरमा गएर मान्छेहरुलाई जुन प्रकाशले फास दिन खोजिरहेका छन् । अब राजतन्त्र यो देशमा कहिल्यै फर्किनेवाला छैन । त्यसैले त्यस्ता गतिविधिमा हामी आत्तिनुपर्ने छैन ।’

अहिले दलाल पूँजीपतिहरुले देशको अर्थतन्त्रलाई आफ्नो पञ्जामा लिन खोजिरहेको टिप्पणी गरे ।