क्लस्टरमा सहमति नजुट्दा एमाले गण्डकी अधिवेशनको निर्वाचन प्रक्रिया स्थगित
नेपाल प्रेस
२०८० असोज १६ गते १७:४३
पोखरा । क्लस्टरमा सहमति जुट्न नसक्दा नेकपा एमाले गण्डकी प्रदेशको प्रथम अधिवेशनको निर्वाचन प्रक्रिया स्थगित भएको छ । मंगलबार दिउँसो ३ बजेबाट मनोनयन उम्मेदवारी फाराम वितरण र दर्ता हुने तालिका थियो ।
तर, सहमति नजुट्दा निर्वाचन प्रक्रिया आज स्थगित भएको हो ।
तर, क्लष्टरमा कुरा नमिल्दा उक्त समय साझ ५ बजेका लागि सारिएको थियो । उक्त समयमा पनि नटुंगिएपछी उम्मेदवारी दर्ता बुधबारका लागि सारिएको हो ।
उम्मेदवारहरुको क्लस्टर मिलाउनुपर्ने भएको हुँदा मनोनयनका लागि बुधबारको समय दिने निर्वाचन कमिटीले जनाएको छ ।
अब भोलि बिहान ७ बजेदेखि निर्वाचन प्रक्रिया सुरु गरिने कमिटीले बताएकाे छ ।
प्रदेश कमिटीमा जनजाति, महिला, जिल्ला, युवा र दलित लगायतका लागि क्लसटर मिलाउनुपर्ने भएको हुँदा मनोनयनको समय सारिएको हो ।
नेपाल प्रेस
प्रकाशित: २०८० असोज १६ गते १७:४३
प्रतिक्रिया
सम्बन्धित खवर
