एमाले गण्डकी अधिवेशन : खगराज प्यानल तयार

पोखरा । नेकपा एमाले गण्डकी प्रदेश प्रथम अधिवेशनका लागि स्थायी कमिटी सदस्य खगराज अधिकारीको ‘प्यानल’ तयार भएको छ । बुधबार बिहान हुने उम्मेदवार दर्ताका लागि खगराज टीम तयार भएको एमाले केन्द्रीय सदस्य राजीव पहारीले जानकारी दिए ।

उनका अनुसार लमजुङका मायानाथ अधिकारी अध्यक्ष, नवलपुरका बाबुराम बिक उपाध्यक्ष, कास्कीका रश्मि आचार्य सचिवको उम्मेदवार बन्ने गरी टीम तयार भएको छ । सो टीममा म्याग्दीका सन्तोष रावल र कास्कीकी मिना गुरुङ उपसचिवको उम्मेदवार बन्ने तयारी छ । उपमासचिव पृथ्वीसुब्बा गुरुङ पक्ष टीम तयार गर्ने प्रक्रिया छ ।

अधिवेशनको निर्वाचन प्रक्रिया बुधबार बिहान ७ बजेदेखि सुरु हुनेछ ।