नेपालका कराँते खेलाडी विप्लवले कास्य पदकका लागि प्रतिस्पर्धा गर्ने
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/10/biplaw.jpg)
काठमाडौं । १९औँ एसियाली खेलकुदअन्तर्गत कराँतेमा नेपालका विप्लवलाल श्रेष्ठले कास्य पदकका लागि प्रतिस्पर्धा गर्ने भएका छन् ।
कुमुतेको ८४ केजी माथि तौल समूहमा उनले साउदी अरबका तारेख अली मोहम्मद हामेदीसँग प्रतिस्पर्धा गर्नेछन् ।
विप्लवलाई क्वाटरफाइनलमा हराएका खेलाडी फाइनलमा पुगेपछि उनले कास्य पदकका लागि भिड्ने अवस्था बनेको हो । उनले रिपिचेजको पहिलो चरणमा बाई पाए ।
हामेदीलाई सेमिफाइनलमा हराएका किर्गिस्तानका खेलाडीले क्वाटरफाइनलमा विप्लवलाई पराजित गरेका थिए ।
हामेदी ओलम्पिकका रजत विजेता तथा एसियन च्याम्पियनसिपका स्वर्ण पदक विजेता हुन् ।
विप्लवले ताजिकिस्तानका खेलाडीलाई हराएर क्वाटरफाइनलमा स्थान बनाएका थिए ।