सुदूरपश्चिम एमाले अधिवेशनको निर्वाचन तालिका सार्वजनिक, भोलि मतदान

कैलाली । सुदूरपश्चिम प्रदेशको पहिलो अधिवेशनको निर्वाचन तालिका सार्वजनिक गरिएको छ । आज केही बेर अघि सार्वजनिक गरिएको निर्वाचन तालिकाअनुसार भोलि साँझ ५ बजे मतदान हुने छ । आज राति ८ बजेबाट उम्मेदवारको दर्खास्त फारम वितरण गरिने छ ।

भोलि बिहान ७ बजे बाट फारम दर्ता गर्ने अन्य निर्वाचन गतिविधि अगाडि बढाइने छ । हिजो उद्घाटन समारोह सकिएको थियो । अहिलेसम्म सर्वसम्मत नेतृत्व चयनको प्रयास गरिएपनी त्यो सफल हुन सकेको छैन ।

अध्यक्षमा अछामका कृष्ण प्रसाद जैशी, अछामकै कमल तिमिल्सिना र कञ्चनपुरका वचन सिंहले दाबी गरेका छन् ।