पहिलोपटक मिस युनिभर्समा भाग लिँदै पाकिस्तानी सुन्दरी, तर सरकारले दियो छानबिन आदेश

काठमाडौं । इतिहासमा पहिलो पटक पाकिस्तानले प्रतिष्ठित सौन्दर्य प्रतियोगिता ‘मिस युनिभर्स’ मा सहभागीता जनाउने भएको छ । २४ वर्षीय एरिका रोबिनले यही नोभेम्बरमा ‘एल साल्भाडोर’मा हुने ‘मिस युनिभर्स २०२३’ मा पहिलोपटक पाकिस्तानलाई प्रतिनिधित्व गर्ने भएकी छन् ।

उनले गत बिहीबार, सेप्टेम्बर १४ मा माल्दिभ्समा ‘मिस युनिभर्स पाकिस्तान’को उपाधि जितेकी हुन् । उनी यस सौन्दर्य प्रतियोगितामा भाग लिने पहिलो पाकिस्तानी हुन् ।

पहिलोपटक आफ्नो देशलाई विश्वसामु चिनाउन गइरहेकी एरिकाको लागि यो उत्सवको क्षण हुनु पर्ने थियो, तर उनी आफ्नै देशमा आलोचनाको सिकार भएकी छन् ।

गहिरो रूढिवादी मुस्लिम बहुल देश, पाकिस्तानले यसअघि कहिल्यै मिस युनिभर्समा भाग लिएको थिएन । आफ्नो सौन्दर्य प्रदर्शनमा राख्नु हुँदैन भन्ने मान्यता राख्ने पाकिस्तानी महिलार सरकारको लागि यो विषय एउटा ठूलै मुद्दा बनेको छ । एरिकाले ताज जित तोपनि उनलाई पाकिस्तानी सरकारले एल साल्भाडोरमा हुन गईरहेको ७२ औं ग्लोबल मिस युनिभर्समा भाग लिन अनुमति दिने या नदिने भन्ने ने अहिलेसम्म अस्पष्ट छ ।

‘मिस युनिभर्स पाकीस्तान’ को फिनाले माल्दिभ्समा सम्पन्न भएको हो । ‘मिस युनिभर्स बहराइन’ र ‘मिस युनिभर्स इजिप्ट’को फ्रेन्चाइज अधिकारको स्वामित्व लिएका दुबईस्थित युगेन ग्रुपले सो प्रतियोगिताको आयोजना गरेको हो । पाँच फाइनलिस्टलाई पछि पार्दै रोबिन माल्दिभ्समा ‘मिस युनिभर्स पाकिस्तान’ चुनिएकी हुन् ।

तर पाकिस्तानी सरकारको लागि यो अपाच्य भएको छ । पाकिस्तानी सरकारको स्वीकृति बिना आफ्नो देशको नाममा प्रतियोगीता आयोजना गरेको भन्दै कार्यवाहक प्रधानमन्त्री अनवर-उल-हक ककरको सरकारले देशको गुप्तचर निकायलाई प्रतियोगिता आयोजकहरूसँग छानबिन गर्न आदेश दिएको छ ।

ककरले माल्दिभ्स सम्पन्न भएको ‘मिस युनिभर्स पाकीस्तान’ लाई ‘लज्जापूर्ण कार्य’ र पाकिस्तानी महिलाहरूको अपमान र शोषण भएको बताएका छन् ।

प्रतियोगितालाई लिएर पाकिस्तानका विद्वान तथा राजनीतिज्ञहरुले आफ्नो सामाजिक सञ्जालमार्फत आक्रोश व्यक्त गरिरहेका छन् । पाकिस्तानका एक इस्लामिक विद्वान ताकी उस्मानीले सरकारलाई प्रतियोगिताका आयोजकहरू विरुद्ध कारबाही गर्न र एरिकाले ‘पाकिस्तानको प्रतिनिधित्व गर्दै’ भन्ने वाक्य हटाउन माग गरेका छन् ।

त्यस्तै, राजनीतिज्ञ मुश्ताक अहमद खानले प्रतयोतिगताले पाकिस्तानको अपमान भएको अभिव्यक्ति दिएका छन् ।