‘घिन घिन मादल घिन’मा आशिष र शनिशाको रोमान्टिक अभिनय (भिडियो)

काठमाडौँ । गायक आशिष सचिनको ‘घिन घिन मादल घिन’ बोलको गीतको भिडियो सार्वजनिक भएको छ ।

गायक सचिनसँगै गायिका बेनिशा पौडेलको स्वर रहेको सार्वजनिक गीतमा गायक सचिन स्वयम र पछिल्लो पुस्ताकी लोकप्रिय मोडल शनिशा भट्टराइको रोमान्टिक अभिनय भिडियोमा देख्न सकिन्छ ।

पछिल्लो पुस्ताका चचिृत संगीतकार दीपक शर्माको शब्द तथा संगीत रहेको सार्वजनिक गीतमा एक प्रेमील जोडीको रोमान्टिक प्रेम कहानी र मन भित्र पलाएको मायालाई लुकाएरै राख्ने मायालुको स्वभावलाई निर्देशक मौसम हिमालीले फिल्मी शैलीमा भिडियो मार्फत देखाएका छन् ।

पर्यटकीय नगरी मुस्ताङमा छायांकन गरिएको भिडियोमा आशिषसँग सनिशा गज्जबसँग खुलेकी छिन् ।

नरेन्द्र बियोगीको एरेन्ज रहेको गीतको छायांकन नवराज उप्रेतीले गरेका हुन् भने भिडियोको सम्पादन र कलरिगं मिलन विश्वकर्माले गरेका हुन् ।

निर्देशक हिमालीकै कन्सेप्ट र कोरियोग्राफी रहेको भिडियोको निर्माण ओम अग्रवालले गरेका हुन् । भिडियो ओएसआर डिजिटलबाट बजारमा आएको हो ।

गायक सचिनका यसअघि ‘दारी फुल्यो बैंसैमा’ ‘एक कान दुई कान मैदान’, ‘गलबन्दी पछ्यौरी’, ‘ए मुना’लगायतका गीतले राम्रो चर्चा पाइसकेका छन् ।

भिडियो