आजबाट हलमा तीन नेपाली चलचित्र ‘परदेशी २’, ‘कौसीद’ र ‘बसेन्जी’

काठमाडौं । आजबाट देशभरका हलमा तीन नेपाली चलचित्र ‘परदेशी २’, ‘कौसीद’ र ‘बसेन्जी’ एकसाथ रिलिज भएका छन् । ‘परदेशी २’ र ‘कौसीद’ सामाजिक कथामा आधारित चलचित्र हो भने ‘बसेन्जी’ तथा हरर-थ्रिलर जनराको चलचित्र हो।

गायक प्रकाश सपुतको डेब्यु चलचित्र ‘परदेशी २’ आठ वर्षअघि रिलिज भएको चलचित्र ‘परदेशी’को सिक्वेल हो। चलचित्रमा सपुतसँगै नायिकाहरु केकी अधिकारी, वर्षा सिवाकोटी, रमा थपलिया र नायकहरु दिलीप रायमाझी र नीर शाहको अभिनय देख्न सकिनेछ। चलचित्रलाई गायक तथा संगीतकार नारायण रायमाझीले निर्देशन गरेका हुन। विदेशिएका नेपाली युवाले भोग्नुपरेको कथा समेटिएको चलचित्रलाई नारायण रायमाझी र राजेश वंशलले मिलेर निर्माण गरेका हुन।

त्यस्तै, आजैबाट रिलिज भएको अक्रो चलचित्र हो, ‘बसेन्जी’। हरर जनरामा निर्माण गरिएको यस चलचित्रमा असिम निरौला, मिथिला शर्मा र सरिता गिरीको शीर्ष भूमिकामा छन्। चलचित्रलाई इयान क्लेमेन्टले निर्देशन गरेका हुन् ।

कुमार भाष्कर निर्देशित ‘कौसीद’आजबाटै लागेको तेस्रो चलचित्र हो। भोलाराज सापकोटा, ऋचा शर्मा, रुपेश दाहाल, परिक्षित विक्रम राणा, सदिक्षा गौतम, निर्भिक भट्टराई र सन्दीप लोहनीको शीर्ष भूमिका रहेको चलचित्रले आफ्नो परिवार बचाउन एक शिक्षकले गर्नुपरेको संघर्षको कथा बोल्छ। चलचिबलाई निर्देशक कुमार भाष्करले निर्देशन र निर्माता केदार भुसालले निर्माण गरेका हुन्।