कांग्रेस नेतृत्वमा राष्ट्रिय सरकार बनाउन सांसद गाैतमकाे प्रस्ताव

काठमाडौं । सत्तारुढ नेपाली कांग्रेस सांसद सञ्जय गौमतले कांग्रेसको नेतृत्वमा राष्ट्रिय सरकार बनाउन प्रस्ताव गरेका छन् । प्रतिनिधि सभाको बैठकमा बोल्दै संविधान र व्यवस्थाको विरुद्ध खतराको घट्टी बजिसकेकाले देशलाई निकास दिन सबै एकजुट हुनुपर्ने बताए ।

उनले भने, ‘कांग्रेस सबैभन्दा ठूलो दल हो । सबै मिलेर एकपल्ट राष्ट्रिय सरकार बनाऔं । देशलाई बचाऔं, होइन भने क्रान्ति र परिवर्तन सबै सिद्धिएर जान्छन् । त्यसले कहाँ पुर्याउँछ थाहा छैन । जनताका अगाडि अब धेरै विकल्प छैन ।’

उनले गठबन्धनबाट बनेको प्रचण्ड नेतृत्वको सरकारबाट राम्रो परिणाम ल्याउन नसकिने बताए । सबै जिम्मेवार भएर अघि नबढे दुर्घटनालाई कसैले रोक्न नसक्ने उल्लेख गरे ।