गैरीगाउँ हत्याकाण्डका आरोपितलाई पुर्पक्षका लागि थुनामा पठाउने आदेश
नेपाल प्रेस
२०८० असोज २६ गते २०:२९
काठमाडौं । जिल्ला अदालत काठमाडौंले गैरीगाउँमा सामूहिक हत्याकाण्डका आरोपित सञ्जय भण्डारीलाई पुर्पक्षका थुनामा पठाउने आदेश दिएको छ ।
शुक्रबार थुनछेक बहसपछि अदालतले भण्डारीलाई थुनामा पठाउने आदेश गरेको हो । भण्डारीमाथि आजीवन जन्मकैद मागदाबी गर्दै अभियोग पत्र दायर भएको थियो ।
भदौ २९ गते राति ११:५५ बजेको समयमा उक्त घटना भएको थियो । घटनामा कुमार भन्ने पूर्णबहादुर भुजेल, उनकी श्रीमती अम्बिका भुजेल, कुमारकी आमा शुभद्रा भुजेल र मोरङ बेलवारी स्थायी घर भएका नवीन भन्ने विशाल राईको हत्या भएको थियो ।
नेपाल प्रेस
प्रकाशित: २०८० असोज २६ गते २०:२९
प्रतिक्रिया
सम्बन्धित खवर
