पूर्वअर्थमन्त्री खतिवडा भन्छन्- अहिले अर्थतन्त्र इन्धन सकिन लागेको मोटरसाइकल जस्तो हो

काठमाडौं । पूर्वअर्थमन्त्री डा. युवराज खतिवडाले अहिले देशको अर्थतन्त्र संकटमा रहेको बताएका छन्।

रास्वपाको नीति मन्थन कार्यक्रममा आफ्नो धारणा राख्दै अर्थतन्त्र समस्यामा रहेको बेलामा वर्तमान सत्ता सञ्चालकले विपक्षी दलले नेतृत्व गरेको अघिल्ला सरकारलाई र हालका विपक्षीले वर्तमान सरकारलाई दोष दिने गलत प्रवृत्ति गलत भएको बताए ।

उनले भने, ‘अर्थतन्त्र समस्यामा परेकै हो। तर, वर्तमान सत्ता सञ्चालकले विपक्षी दलले नेतृत्व गरेको अघिल्ला सरकारलाई र हालका विपक्षीले वर्तमान सरकारलाई दोष दिने गलत प्रवृत्ति छ। यसले समाधान दिँदैन। अहिले अर्थतन्त्र इन्धन सकिन लागेको मोटरसाइकल जस्तो हो, सरकारले रिजर्भको साँचो धुमाउने बेला बेला भइसक्यो। तर, सरकारले साँचो कहिले घुमाउँछ हेरौं। यो आर्थिक वर्ष पनि कमजोर नै हुने निश्चित छ।’

अर्थतन्त्र अप्ठ्यारोमा परेका मार व्याजदरलाई मात्रै दिने गरिएको बताए। उनले भने, ‘व्याजदरलाई मात्रै दोष दिइन्छ। अरु कारणबारे खासै चर्चा गरिँदैन। किनकि, दबाबमा पारेर व्याजदर घटाउने स्वार्थ छ। बैंकमा अधिक थुप्रिएको पुँजी अनुत्पादक क्षेत्रमा बढी लगानी हुनु पनि हाम्रो समस्या हो।’