प्रहरी दिवसमा लाइफ टाइम अचिभमेन्ट अवार्ड पूर्वइन्सपेक्टर थापालाई

काठमाडौं । प्रहरी दिवसमा लाइफ टाइम अचिभमेन्ट अवार्डबाट अवकाशप्राप्त प्रहरी निरीक्षक- इन्सपेक्टर कोमलबहादुर थापालाई सम्मानित गरिएको छ । मंगलबार प्रहरी प्रधान कार्यालयमा आयोजित विशेष समारोहबीच प्रधानमन्त्री पुष्पकमल दाहाल प्रचन्डले उक्त अवार्ड थापालाई प्रदान गरे । थापा लामो समय प्रहरी प्रशिक्षण प्रतिष्ठानमा ‘गुरु बा’का रुपमा कार्यरत थिए ।

उक्त अवसरमा योगेन्द्र स्मृति साहसिक अवार्डबाट सगरमाथा आरोहरण गरेका वरिष्ठ नायब निरिक्षक पुरुषोत्तम नेपाली, मोतिलाल सर्वोत्कृष्ट अनुसन्धान कर्ता पुरस्कारबाट वरिष्ठ नायब निरीक्षक दुर्गाकुमार योन्जन र पूर्ण शान्ति पुरस्कारबाट प्रहरी निरीक्षक मोहम्मद सलिम अन्जुम सम्मानित भएका छन् ।

योन्जन केन्द्रीय अनुसन्धान ब्युरो–सीआईबी र अन्जुम विशेष ब्यूरोमा कार्यरत छन्। यस्तै पुलिस ब्याटन गन्डकी प्रदेश प्रहरी कार्यालयले पाएको छ । सर्वोत्कृष्ट प्रदेश प्रहरीका रुपमा लुम्बिनीले यो अवार्ड पाएको हो ।