चीनमा रहेका उपप्रधानमन्त्री श्रेष्ठ अस्पताल भर्ना

काठमाडौं । बीआरआई शिखर मञ्चमा भाग लिन चीन पुगेका उपप्रधान तथा गृहमन्त्री नारायणकाजी श्रेष्ठ बिरामी परेका छन् ।

उनी हाल बेइजिङको एक अस्पतालमा भर्ना भएका छन् । छातीमा समस्या देखिएपछि राति साढे १ बजेतिर उनलाई अस्पताल भर्ना गरिएको प्रेस सल्लाहकार कमल गिरीले नेपाल प्रेसलाई जानकारी दिए ।

मन्त्री श्रेष्ठको अवस्था हाल सामान्य रहेको उनले बताए ।

राति नै तुरुन्तै उनको मुटुको एन्जीओप्लास्टी गरिएपछि उनको अवस्था अहिले स्थिर रहेको श्रेष्ठको सचिवालयले जनाएको छ । उनलाई २४ घण्टासम्म अस्पतालमै अब्जर्भेसनमा राख्नुपर्ने उपचारमा संलग्न चिकित्सकले बताएका छन् ।