यू १९ प्रिमियर कप सेमिफाइनल: नेपालकाे गतिमा वर्षा बाधक

काठमाडौं । मलेसियामा जारी एसीसी यू १९ प्रिमियर कपमा नेपाल र जापानबीच जारी सेमिफाइनल खेल वर्षाले रोकिएको छ । टस हारेर पहिले ब्याटिङ गरेको नेपालले २ विकेट क्षतिमा १४० रन बनाउँदा वर्षा वाधक भएको हो ।

नेपालका ओपनर दीपक बोहराले उत्कृष्ट अर्धशतक बनाएका छन् । उनी ७१ बलमा ७९ रन बनाएर आउट भए । क्रिजमा आकाश त्रिपाठी र कप्तान देव खनाल छन् । देव ८ र आकाश ३५ रन बनाएर खेलिरहेका छन् ।

अघिल्लो खेलमा साउदी अरबविरूद्ध १४१ रनको विष्फोटक इनिङ खेलेका ओेपनर अर्जुन कुमा आज १० रन बनाएर आउट भए ।