महेश बस्नेतको नाम लिएर भाइरल बन्ने दुर्गा प्रसाईँलाई चेतना भया

महेश बस्नेतले दुई दिनअघि लेखेको स्टाटसलाई धेरैले समर्थन जनाए । ‘संघर्षको बेलामा सँगै हिड्नुपर्ला भनेर डराउँछन्, उपलब्धि प्राप्त भएपछि भाग पाइन भनेर कराउँछन् आफ्ना मान्छेहरू’ । यो स्टाटस जति मार्मिक छ त्यति नै यथार्थ पनि बोलेको छ ।

एउटा चुनाव हार्ने डरले देशका धेरै नेता सत्य बोल्नसमेत डराउँछन् । तर, महेश बस्नेतले सत्य बोल्दा चुनावी हारजित लेखाजोखा गर्दैनन् । नीति र नेतृत्वको पक्षमा दृढतापूर्वक संघर्ष गर्दा कहिलेकहिँ महेश एक्लै हुन्छन् तर उनको लडाइँ सफल हुँदा भाग खोज्ने अरु नै हुन्छन् ।

त्यसैले यसपटक महेश बस्नेतबारे मेरो मनका कुरा लेख्न मन लाग्यो । किनकी उहाँ अहिले फेरि चर्चामा हुनुहुन्छ ।

महेश बस्नेतको नाम म सानो हुँदादेखि मेरो कानमा सधैंभरि गुन्जिएको हो । अहिले त उहाँ मेरो राजनीतिक अभिभावक पनि हुनुहुन्छ। नेकपा एमाले पोलिटब्युरो सदस्य, पूर्वमन्त्री तथा राष्ट्रिय युवा सघं नेपालको इन्चार्जको बारेमा मेरो लेख्ने औकात नहुन सक्छ ।

महेश बस्नेत राष्ट्रिय नेता हो तर भक्तपुरको चाहिँ विकासको संवाहक । आज भक्तपुरका भित्री सडकहरु समेत कालोपत्रे बनेका छन् र जितेका सांसदलाई जनताले खोज्दैनन् तर महेश बस्नेत चुनाव जिते पनि हारे पनि जनताको सुख दुःखमा भेटिनु हुन्छ ।

हाम्रो हिजोको भक्तपुर र आजको भक्तपुर आकाश पातालको फरक भइसकेको छ । यो मेरो परिवारमात्र होइन भक्तपुरमा आएर बस्ने अधिकांशको भनाइ हो । आज हनुमन्ते कोरिडोर भन्नुस् वा सिपाडोलको विकास, महेश बस्नेतको मेहनत र जनताप्रतिको समर्पण हो ।

शान्ति प्रक्रियामा आइसकेका बेला वाईसीएलको आतंकदेखि सबै दलका नेता त्रसित थिए । आतंकविरुद्ध बोल्ने हिम्मत कुनै नेतामा थिएन ।

अपहरण र बन्दुकले त्राहित्राहि भएको बेला आफ्नो ज्यानको बाजी राखेर युथफोर्सको नेतृत्व गरी जुध्ने जोदाहा नेता र अराजकतालाई तह लगाउने बहादुर योद्दा हो महेश बस्नेत ।

देश र जिल्ला जिल्लामा आफ्नो हक हित, सुशासनको बिगुल फुक्दै जनताको माझ अनबरत लाग्ने निडर युवा नेता । भक्तपुरको खानेपानी, सडक, खेलकुद मैदान , बनजंगल , पार्क मठमन्दिरको संरक्षण गरि भक्तपुर पर्यटनको आकर्षण बनाउने विकासे नेता हो महेश बस्नेत ।

हनुमन्तेको बाढीले सदैव त्राहिमामको अवस्थाबाट जनताई मुक्त गराउने जनप्रतिनिधि हो महेश बस्नेत । सबैलाइ समान आँखाले हेर्ने, कहिल्यै ठूलो नबन्ने, साधारण व्यक्तित्व हो महेश बस्नेत ।

महेश बस्नेतको लागि दुर्गा प्रसाईं कोहो र ? तर, प्रसाईँले जसरी कुनै समुदायप्रति घृणा फैलाउने, आस्था र धर्मप्रति भड्काउने काम गरेपछि यस्तो अराजकतालाई तह लगाउनु महेश बस्नेतेको कर्तव्य हो । दुर्गा प्रसाईँजस्ताले समाजमा हिंसा भड्काउन खोज्छ भने महेश बस्नेत चुप बस्न सक्दैन ।

ऋण लिएर नतिर्ने अनि उल्टै बैंक तथा वित्तीय संस्थाहरुमाथि भौतिक आक्रमण गर्ने कार्य राज्यले नियन्त्रण गर्नु पर्ने हो । राज्य निरीह बन्छ भने महेश बस्नेत निरीह बन्दैन । देशको अर्थव्यवस्था नै तहसनहस पार्न कोही उद्यत हुन्छ भने त्यस्तालाई छाडा छाड्न मिल्दैन ।

केपी ओली र महेश बस्नेतलाई मनपरी गाली गरेपछि भाइरल बन्न पाइन्छ भनेर दुर्गा प्रसाईँले आफ्नो सीमा नाघेका छन् । उनलाई ओली र महेश बस्नेतले माफी दिए पनि युवाले दिँदैनन् । अराजकताको समाधान खोजिन्छ ।

दुर्गा प्रसाईँ, तपाईँ साच्चिकै नेपाल र नेपालीलाई माया गर्ने व्यक्ति हो भने पहिला आफूले गरेको गल्तीमा माफी माग्दै बैंक ठगीदेखि विभिन्न अवैध कामहरूको व्यवहार मिलाएर आउनुहोला । ऋण नतिर, आत्महत्या गर भनेर उक्साउनेलाई महेश बस्नेतले सलाम गर्नुपर्ने हो ?

दुर्गा प्रसाईँको पछि महेश बस्नेत किन लागेको भन्ने टिप्पणीहरूमा हाम्रो यतिमात्र भन्नु छ, बौलाहा कुकुर भुक्यो भने बेलैमा उपचार नगर्दा अरुलाई टोक्छ । हाम्रा कतिपय काममा कमजोरी भएहोलान् तर अराजकतालाई प्रश्रय दिन सकिन्न । हो त्यही काम महेश बस्नेतले गरेको हो ।

संघर्षको भट्टीमा खारिएर आएका नेता महेश बस्नेतको नाम लिएर भाइरल हुन खोज्ने दुर्गा प्रसाईँ प्रवृतिविरुद्ध युवा संघको वैचारिक संघर्षमात्र होइन आवश्यकता पर्दा जस्तालाई तस्तै सिद्धान्त पनि प्रयोग हुनेछ । चेतना भया ।

(रमिला नेपाल, राष्ट्रिय युवा संघ नेपालकी केन्द्रीय सदस्य हुन्)