मङ्गोलियाको एक घरमा आगलागी हुँदा सातको मृत्यु

उलान बाटोर । मङ्गोलियाको राजधानी उलान बाटोरमा बिहीबार बिहान एक भवनमा भएको आगलागीमा परी सात जनाको मृत्यु भएको आपत्कालीन व्यवस्थापन एजेन्सीले बताएको छ ।

स्थायीय समयअनुसार बिहान करिब ३ः५० बजे आगलागी भएको सोङ्गिनोखैरखान जिल्लामा रहेको आपत्कालीन एजेन्सीले जनाएको छ । आगलागीको कारणबारे अनुसन्धान भइरहेकासमेत एजेन्सीले उल्लेख गरेको छ ।

चिसो मौसम सुरु भएसँगै घरलाई न्यानो राख्न आगो बाल्ने गरिएकाले घरमा आगलागी भएको हुनसक्ने एजेन्सीले जनाएको छ । एजेन्सीका अनुसार राजधानीको आधाभन्दा बढी जनसङ्ख्या शहरका ग्रामीण जिल्लामा बसोबास गर्छन्, जहाँ पानी तताउने तथा ढल निकासको व्यवस्था छैन । रासस/सिन्ह्वा