नदीमा डुबेर कैलालीका दुई बालकको मृत्यु
नेपाल प्रेस
२०८० कार्तिक १० गते १३:५३
सांकेतिक तस्विर
कैलाली । नदीमा डुबेर कैलालीका दुई बालकको मृत्यु भएको छ ।
जिल्लाको बर्दगोरिया गाउँपालिका- ६ का ६ वर्षीय दिपसन मल्ल र ७ वर्षीय आयुष मल्लको नदीमा डुबेर मृत्यु भएको इलाका प्रहरी कार्यालय सुखडले बताएको छ ।
बर्दगोरिया गाउँपालिका- ६ स्थित काँडा नदीमा नुहाउन गएका बेला उनीहरु डुबेका थिए । नदीमा डुबेको अवस्थामा फेला परेका उनीहरूलाई बर्दगोरिया अस्पताल पुर्याइएको थियो ।
अस्पताल पुर्याउनुअघि नै उनीहरुको मृत्यु भएको इलाका प्रहरी कार्यालय सुखडका प्रहरी नायब उपरीक्षक वीरबहादुर विकले जानकारी दिए ।
नेपाल प्रेस
प्रकाशित: २०८० कार्तिक १० गते १३:५३
प्रतिक्रिया
सम्बन्धित खवर
