बारामा बस दुर्घटना हुँदा १ जनाको मृत्यु, ११ घाइते

हेटौँडा । बाराको जीतपुर सिमरा उपमहानगरपालिका २ स्थित सिमरा चोकमा भएको बस दुर्घटना हुँदा एकजनाको मृत्यु भएको छ भने ११ जना घाइते भएका छन् ।

भरतपुरबाट वीरगञ्जतर्फ जाँदै गरेको ना ७ ख ४७४९ नम्बरको बस गएराति करिब १२ बजे सिमराचोकमा दुर्घटना भएको हो । विपरीत दिशाबाट आउँदै गरेको मोटरसाइकललाई जोगाउने क्रममा अनियन्त्रित भएर बस सडकको पोलमा ठोक्किएको प्रहरीले जनाएको छ।

दुर्घटनामा मोतिहारी घर भइ वीरगञ्ज बस्ने २७ वर्षका मुकेश साहको मृत्यु भएको प्रहरीको भनाई छ । अन्य घाइते ११ जनाको वीरगञ्जस्थित बयोधा अस्पतालमा उपचार भइरहेको छ। घाइते मध्य दुईजनाको अवस्था गम्भिर रहेको प्रहरीको भनाई छ ।