झिनो अंकले बढ्यो सेयर बजार, ६९ करोडमा खुम्चियो कारोबार

काठमाडौं । प्रि ओपन सेसनमा सामान्य वृद्धि भएर खुलेको सेयरबजार झिनो अंकले बढेको छ ।

सोमबार नेप्से परिसूचक ३.०४ अंकले बढेर १८७८.७० बिन्दुमा बन्द भएको हो । यसदिन बजारमा २८ लाख २४ हजार ७ कित्ता सेयरको खरिदबिक्री भएको छ । सुरुवातबाटै ओरालो झरेको सेयरबजार लगातारको उतारचढावपछि अन्तत समान्य अंकले बढेर बन्द भएको हो ।

सोमबार नेप्से परिसूचक बढेपनि कारोबार रकम भने घटेको छ । जहाँ ६९ करोड ४२ लाख २२ हजार २१७ रुपैयाँमा कारोबार खुम्चिएको छ ।

कारोबारको पहिलो दिन नै नकारात्मक सकिर्ट लगेको सोनपुर मिनरल्स एण्ड आयल लिमिटेडको सेयरमा आजपनि सकिर्ट लगेको छ । सोनपुर मिनरल्सको सेयर प्रतिकित्ता ३५० रुपैयाँमा पहिलो कारोबार खुलेर ३१५ रुपैयाँमा बन्द भएको थियो भने, आज पनि घटेर २८३.५० रुपैयाँमा झरेको छ ।

कारोबारका आधारमा आज साधना लघुवित्त वित्तीय संस्था लिमिटेड प्रमोटर सेयर ३ करोड ६० लाख ७४ हजार रुपैयाँको कारोबारकासाथ शिर्ष स्थानमा रहेको छ ।