शेयर बजार घटेसँगै कारोबार रकम पनि खुम्चियो

काठमाडौं । साताको तेस्रो दिन सेयरबजारमा दोहोरो अंकको गिरावट भएको छ । मङ्गलवार नेप्से परिसूचक १४.२९ अंकले घटेर १८६४.४० बिन्दुमा बन्द भएको छ ।

यस दिन बजारमा २२ लाख ५८ हजार १८७ कित्ता सेयरको खरिदबिक्री हुँदा ५७ करोड १४ लाख ८३ हजार २७६ रुपैयाँमा कारोबार खुम्चिएको छ ।

अघिल्लो दिन सोमबार मात्रै ६९ करोड ४२ लाख २२ हजार २१७ रुपैयाँको कारोबार भएको थियो ।

कारोबारको पहिलो दिन नै नकारात्मक सर्किट लगेको सोनपुर मिनरल्स एण्ड आयल लिमिटेडको सेयरमा लगातार तेस्रो दिन पनि सर्किट लगेको छ ।

प्रतिकित्ता ३५० रुपैयाँमा पहिलो कारोबार खुलेको सोनपुर मिनरल्स आज २५५ रुपैयाँमा झरेको छ ।

त्यसैगरी उपसमूहतर्फ रहने १३ वटै सबै सूचकहरू घटेका छन् ।